Лондоннинг «Челси» клуби вингери Эстевао Виллиан испаниялик мутахассис Хаби Алонсо жамоа бош мураббийи этиб тайинланганидан кейин етарлича ўйин амалиётига эга бўлишда қийинчиликка дуч келмоқда.
Инсайдер Экрем Конурнинг ижтимоий тармоқларда хабар беришича, шунга қарамай, бразилиялик футболчи Англия клубини тарк этишни режалаштирмаяпти. Эстевао жорий мавсумда ўз имкониятини сабр билан кутиш ниятида.
19 ёшли бразилиялик жорий мавсум Англия Премьер-лигасида тўртта учрашувда майдонга тушди, аммо ҳали гол ёки голли узатма билан ажралиб тура олмади.
Вингернинг «Челси» билан шартномаси 2033 йил июнь ойи охирига қадар амал қилади. Футболчининг бозор қиймати 80 миллион еврога баҳоланмоқда.
