Нидерландия терма жамоаси ярим ҳимоячиси Тижани Рейндерс УЕФА Миллатлар лигасида Грецияга қарши 2:2 ҳисобида якунланган учрашув ҳақида фикр билдирди.
«Дурангни фақат ирода эвазига қутқариб қолдик. Биринчи ўтказиб юборилган гол мулоқотдаги хато натижаси бўлди, иккинчиси эса соф омадсизлик эди. Нидерландия тўп билан эҳтиётсиз ҳаракат қилди ва тўғри ечимни топа олмади. Иккинчи бўлимда вазиятни тўғриладик ва учта «ўнлик» билан ўйнашга ўтдик», — дея Рейндерснинг сўзларини УЕФА расмий сайти келтирди.
Греция 7 очко билан иккинчи гуруҳда пешқадамлик қилмоқда. Нидерландия эса 5 очко билан иккинчи ўринда бормоқда.
Навбатдаги турда Греция ўз майдонида Германияни қабул қилади, Нидерландия эса Сербияга қарши ўйнайди. Ҳар икки учрашув 4 октябрь куни бўлиб ўтади.
