Ўзбекистон U-17 ўсмирлар терма жамоаси 2 октябрь куни Испаниянинг Марбелья шаҳрида бўлиб ўтаётган халқаро турнирда Мексика U-17 ўсмирлар терма жамоасига қарши майдонга тушди ва 0:2 ҳисобида мағлубиятга учради.

Дилшод Нуралиев бош мураббийлигидаги Ўзбекистон U-17 ўсмирлар терма жамоаси 2 октябрь куни Марбелья шаҳрида Мексика ўсмирлар терма жамоасига қарши майдонга тушди. Учрашувнинг дастлабки 12 дақиқасида ўзбекистонлик ўсмирлар дарвозасини икки бор аниқ нишонга олган Мексика ўсмирлари якунда 2:0 ҳисобида ғалаба қозонишди.

Эслатииб ўтамиз, Нуралиев шогирдлари, 30 сентябрь куни Марбельядаги илк учрашувда Кот д‘ Ивуар (U-17) ўсмирлар терма жамоасига қарши майдонга тушиб, 0:0 ҳисобида дуранг ўнаганди. Ўзбекистон U-17 ўсмирлар терма жамоаси ўзининг турнирдаги навбатдаги учрашувини 4 октябрь куни Аргентина U-17 ўсмирларига қарши ўтказади.

Таъкидлаш жоиз, Испаниядаги халқаро турнир Нуралиев шогирдлари учун октябрь ойида бошланадиган ўсмирлар ўртасидаги жаҳон чемпионати баҳслари олдидан сўнгги тайёргарлик вазифасини ўтаб беради.

U-17 ўсмирлар ўрастидаги Халқаро турнир.
Марбелья, Испания

2 октябрь
Ўзбекистон (U-17) - Мексика (U-17) - 0:2

Навбатдаги ўйин, 4 октябрь.
Аргентина (U-17) - Ўзбекистон (U-17)