Англия Премьер-лигасида сентябрь ойининг энг яхши футболчиси аниқланди. Соврин «Брайтон» ярим ҳимоячиси Паскаль Гроссга насиб этди.

35 ёшли Гросс ушбу мукофотни қўлга киритган энг катта ёшли футболчилар орасида олтинчи ўринни эгаллади. Ундан каттароқ ёшда бу совринни Пол Скоулз, Жанфранко Дзола, Криштиану Роналду, Тедди Шерингем ва Стюарт Пирс қўлга киритган. Бу ҳақда АПЛ матбуот хизмати хабар берди.

Паскаль Гросс сентябрь ойида «Брайтон» сафида Англия чемпионати доирасида учта ўйинда майдонга тушди. У ушбу учрашувларда иккита гол урди ва учта голли узатмани амалга оширди.

«Брайтон» бешта турдан сўнг 10 очко тўплаб, Премьер-лига турнир жадвалида учинчи ўринни эгаллаб турибди.