Бугун, 2 октябрь куни Миллатлар лигаси "А" лигаси гуруҳ босқичи 3-туридан ўрин олган Франция ва Италия терма жамоалари ўртасидаги учрашув бўлиб ўтади.

Баҳс Сен-Дени шаҳридаги "Стад де Франс" стадионида ўтказилади. Учрашувни испаниялик ҳакам Хесус Хиль Мансано бошқариб боради. Ўйин Тошкент вақти билан 23:45 да бошланади.

Жамоаларнинг бошланғич таркиблари:

Франция: Меньян, Калюлю, Трюффер, Юпамекано, Жаке, да Кунья, Рабьо, Шерки, Дембеле, Дуэ, Олисе.

Италия: Доннарумма, Кайоде, Калафьори, Бастони, Скальвини, Фраттези, Тонали, Фаджоли, Кин, Ф. Эспозито, С. Эспозито.

Гуруҳ босқичининг кейинги турида Франция 5 октябрь куни Бельгияга қарши майдонга тушади. Италия эса шу куни Туркия билан баҳс олиб боради.

Миллатлар лигасининг амалдаги ғолиби Португалия терма жамоаси ҳисобланади. Ўтган мавсум финалида португаллар Испанияни асосий ва қўшимча вақтда 2:2 ҳисобидаги дурангдан сўнг пенальтилар сериясида 5:3 ҳисобида мағлуб этган эди.