Bugun, 2 oktyabr kuni Millatlar ligasi "A" ligasi guruh bosqichi 3-turidan o‘rin olgan Fransiya va Italiya terma jamoalari o‘rtasidagi uchrashuv bo‘lib o‘tadi.

Bahs Sen-Deni shahridagi "Stad de Frans" stadionida o‘tkaziladi. Uchrashuvni ispaniyalik hakam Xesus Xil Mansano boshqarib boradi. O‘yin Toshkent vaqti bilan 23:45 da boshlanadi.

Jamoalarning boshlang‘ich tarkiblari:

Fransiya: Menyan, Kalyulyu, Tryuffer, Yupamekano, Jake, da Kunya, Rabyo, Sherki, Dembele, Due, Olise.

Italiya: Donnarumma, Kayode, Kalafyori, Bastoni, Skalvini, Frattezi, Tonali, Fadjoli, Kin, F. Espozito, S. Espozito.

Guruh bosqichining keyingi turida Fransiya 5 oktyabr kuni Belgiyaga qarshi maydonga tushadi. Italiya esa shu kuni Turkiya bilan bahs olib boradi.

Millatlar ligasining amaldagi g‘olibi Portugaliya terma jamoasi hisoblanadi. O‘tgan mavsum finalida portugallar Ispaniyani asosiy va qo‘shimcha vaqtda 2:2 hisobidagi durangdan so‘ng penaltilar seriyasida 5:3 hisobida mag‘lub etgan edi.