Испания терма жамоаси бош мураббийи Луис де ла Фуэнте Миллатлар лигаси доирасида Чехияга қарши ўтган учрашув ҳақида фикр билдирди. "Қизил фурия" ўз майдонида 3:1 ҳисобида ғалаба қозонди.
"Шогирдларим биринчи таймда устунлик қилди ва жуда яхши вазиятларга эга бўлди. Танаффусдан кейин муносабатимиз ўзгарди, деб айта олмайман, аммо биз алмаштиришларни амалга оширдик. Шундан сўнг ўйин суръати ўзгарди. Иккинчи таймда бизга кескинлик етишмади.
Биз ғалаба қозониш ҳақида ўйлаймиз, аммо футболчиларни асрашни ҳам унутмаймиз. Уларнинг ҳеч бири учта ўйинни тўлиқ ўтказмади", — дея мураббийнинг сўзларини УЕФА матбуот хизмати келтирди.
Де ла Фуэнте шогирдлари кейинги учрашувни сафарда Хорватияга қарши ўтказади.
