Златан Ибрахимович 45 ёшини нишонлади ва туғилган куни муносабати билан ўзига ҳашаматли совға қилишга қарор қилди. Собиқ футболчи юқорига очиладиган «қанотсимон» эшикларга эга янги Ferrari F80 суперкарига эга бўлди.
Ушбу автомобиль бор-йўғи 799 дона ишлаб чиқарилган. Болқон илдизларига эга швециялик собиқ ҳужумчи ана шу ноёб машиналардан бирининг соҳиби бўлди.
Суперкар қора-сариқ услубда безатилган: ташқи қисми мат қора рангда, салони эса сариқ тусда. Ибрагимовичнинг янги «темир тулпори» 1200 от кучига эга бўлиб, бу кўрсаткич «Формула-1» болидлари қувватига яқин.
