«Манчестер Юнайтед» ва Нидерландия терма жамоаси ҳужумчиси Жошуа Зиркзее Англия Премьер-лигасининг бошқа клубига ўтиши мумкин.
Инсайдер Экрем Конурнинг ижтимоий тармоқларда хабар беришича, форвард трансферига «Кристал Пэлас» қизиқиш билдирмоқда. «Бургутлар» январь ойидаги трансфер ойнасида футболчини ўз сафига қўшиб олишга ҳаракат қилади.
«Қизил иблислар» эса эҳтимолий трансфер бўйича ўз талабини белгилаб қўйган. Манчестерликлар Зиркзеени сотишдан тахминан 30 миллион евро ишлаб олишни истамоқда.
25 ёшли ҳужумчи жорий мавсум Англия Премьер-лигасида атиги иккита ўйинда майдонга тушди ва ҳозирча гол ёки голли узатма қайд этмади.
