Бельгиялик дарвозабон Тибо Куртуа Мадриднинг «Реал» клубида тўп тепишни давом эттириш учун молиявий жиҳатдан манфаатлироқ таклифларни рад этишга қарор қилди. Бу ҳақда Diario AS хабар берди.
Манба маълумотига кўра, дарвозабон ҳозирги жамоасида қолиш истагини билдирган. Қайд этилишича, футболчи амалдаги шартномасини тўлиқ бажариб, профессионал фаолиятини айнан «Реал» сафида якунлашни режалаштирмоқда.
Куртуа 2018 йил ёзида «қаймоқранглилар» футболчисига айланган. Бельгиялик дарвозабон «Реал» сафида 14 та совринни қўлга киритган, жумладан, икки марта УЕФА Чемпионлар лигасида ғолиб чиққан.
Жорий мавсумда Куртуа клуб миқёсидаги барча мусобақаларда 8 та учрашувда майдонга тушиб, 9 та гол ўтказиб юборган.
