"Манчестер Юнайтед"нинг афсонавий мураббийи сэр Алекс Фергюсон деменция (бу хотира, фикрлаш, нутқ ва кундалик кўникмаларнинг сусайишига олиб келадиган орттирилган ақлий заифлик ҳолати) билан боғлиқ хавотирлари ҳақида гапирди. 84 ёшли мутахассис ушбу касаллик ривожланиши эҳтимоли уни ташвишга солишини тан олди.
"Мен футболчилик пайтимда бош билан жуда кўп ўйнаганман. Барча футболчилар бундан ўтган. Деменция — инсон ёши ўтган сари дуч келиши мумкин бўлган жиддий синов. Мен доимо ўзимга: "Мен 84 ёшдаман. Агар 85 ёшгача яшасам, демак, бунинг ўзи яхши", деб айтаман", — дея Фергюсоннинг сўзларини Goal келтирди.
Ўтган ойда Фергюсон ахилл пайи билан боғлиқ муаммо сабаб махсус ортопедик пойабзалда кўриниш берган эди. Шунга қарамай, у "Манчестер Юнайтед"ни трибунадан қўллаб-қувватлашда давом этмоқда.
