Англия терма жамоаси бош мураббийи Томас Тухель миллий жамоа сафида 125-ўйинини ўтказиши ва бу кўрсаткич бўйича Питер Шилтонга тенглашиши мумкин бўлган Харри Кейн ҳақида фикр билдирди.

"Ростини айтсам, у ҳақида айтиш учун янги сўзлар қолган-қолмаганига ҳам ишончим комил эмас. У "Олтин тўп"га даъвогарлардан бири. Биз у ҳақида шу қадар кўп гапирдикки, янги сўзлар топишга ҳаракат қиляпман, аммо бунинг ҳам маъноси қолмаяпти.

У нима қилмасин, барчасини энг юқори даражада ва доимий равишда бажаради. Ишончим комилки, машғулот пайтида ҳам жамоани биринчи бўлиб майдонга бошлаб чиқади, разминкада етакчилик қилади ва бирорта ҳам қадамни кам ёки секин босмайди.

Унинг даражаси мана шундай. "Бавария"да бу муҳим ролни ўз зиммасига олганидан сўнг, Кейн янги босқичга кўтарилди. У майдонда ҳам, унинг ташқарисида ҳам энг юқори даражада", — деди Тухель матбуот анжуманида.

6 октябрь куни Тухель жамоаси Миллатлар лигасида Чехияга қарши майдонга тушади. Учрашув Ўзбекистон вақти билан соат 23:45 да бошланади.