«Милан»нинг собиқ футболчиси Звонимир Бобан ҳамюрти Петар Сучич ҳақида илиқ фикр билдирди. Айни пайтда хорватиялик ярим ҳимоячи «Интер» шарафини ҳимоя қилмоқда.

«У жуда юқори савияли, ҳар томонлама кучли ва жасур футболчи. Бундан ташқари, гол вазиятларини жуда яхши ҳис қилади. Ҳозир у ўзини унчалик қулай ҳис қилмаётгани кўриниб турибди.

Менимча, Киву уни у муносиб бўлган даражада қадрламаяпти. Агар вазият ўзгармаса, Сучичнинг «Интер»да қолишида катта маъно кўрмаяпман. Чунки у ҳозирги кунда дунёдаги энг яхши «бокс-ту-бокс» типидаги ярим ҳимоячилардан бири», — деди Бобан.

Эслатиб ўтамиз, ҳозирда «Интер» Италия чемпионати турнир жадвалида иккинчи ўринни эгаллаб турибди.