Италия терма жамоаси бош мураббийи Роберто Манчини Миллатлар лигасида Туркия устидан 3:1 ҳисобида қозонилган ғалабадан сўнг жамоасининг ўйинига баҳо берди.
«Скуадра адзурра»га Жанлука Скамакка, Риккардо Калафьори ва Франческо Пио Эспозито голлари ғалаба келтирди. Улар мос равишда 26, 64 ва 87-дақиқаларда рақиб дарвозасини ишғол қилди.
«Таркибда ўзгаришлар қилганимизга қарамай, чарчоқ барибир сезилди. Ўйин аввалида бизга осон бўлмади, аммо йигитлар қийинчиликларни енгиб ўтишди, ўйинни керакли йўналишга қайтара олишди ва гол ўтказиб юборганимиздан кейин тез орада яна ҳисобда олдинга чиқдик. Умуман олганда, яхши ўйин бўлди.
Учрашувдан олдин таркибдаги ўзгаришлар туфайли ўзаро уйғунлик бироз пасайишини олдиндан билиш мумкин эди. Шунинг учун бу ерда ажабланарли ҳеч нарса йўқ», — деди Манчини.
Италия терма жамоаси 7 очко билан гуруҳда иккинчи ўринни эгаллаб турибди. Пешқадам Франция ҳисобида 10 очко бор.
