«Бавария» Харри Кейн билан янги шартнома бўйича молиявий шартларни келишиб олди. Бу ҳақда инсайдер Фабрицио Романо Х ижтимоий тармоғида маълум қилди.

Манбага кўра, Германия клуби ва 33 ёшли ҳужумчи маош миқдори ҳамда бонуслар тизими бўйича бир тўхтамга келган. Бироқ томонлар шартнома муддати борасида ҳали келиша олмаган. Бу масала музокаралар давомида муҳокама қилиниши керак.

Кейннинг «Бавария» билан амалдаги шартномаси 2027 йил 30 июнга қадар мўлжалланган.

Жорий мавсумда англиялик ҳужумчи Мюнхен клуби сафида 7 та ўйинда майдонга тушиб, 6 та гол урди ва 2 та голли узатмани амалга оширди.