Британиялик журналист Пирс Морган португалиялик футболчи Криштиану Роналдуга нисбатан билдирилаётган танқидлар фонида уни ҳимоя қилди.

"Криштиану ҳақида шунчалик кўп бемаъни гаплар ёзиляпти ва айтиляптики... Бу унинг бутун фаолияти давомида аслида қандай инсон эканини умуман билмайдиган одамлар томонидан билдириб келинаётган ўша-ўша ғаразли, кинояли ва ҳасадга тўла гаплар. Мен эса уни яхши биламан: у ажойиб инсон ва ундан ҳам буюкроқ футболчи. Бу спорт афсонасига у муносиб бўлган ҳурматни кўрсатинг", — деб ёзди Морган ижтимоий тармоқларда.

Роналду ва Жорже Жезуш ўртасидаги можаро сентябрь ойи охирида юз берган. 41 ёшли ҳужумчи Миллатлар лигаси доирасида Норвегияга қарши ўйинни захира ўриндиғида бошлаган ва якунда алмаштириш орқали ҳам майдонга тушмаган.

Орадан уч кун ўтиб, Криштиану миллий терма жамоа қароргоҳини муддатидан олдин тарк этган.