"Ливерпуль" ва "ПСЖ" Англия Премьер-лигасининг молиявий қоидалари бузилгани учун "Манчестер Сити"га эҳтимолий санкциялар қўлланиши фонида жамоанинг ҳужумкор ярим ҳимоячиси Райан Шеркига қизиқиш билдирмоқда. Бу ҳақда TEAMtalk хабар берди.
Манба маълумотига кўра, агар "Манчестер Сити" жазоланса, клуб Шеркини ўзи учун мақбул нарх эвазига сотувга қўйишда иккиланмайди. Бу қишки ёки ёзги трансфер ойнасида содир бўлиши мумкин.
Шунингдек, 23 ёшли футболчининг вазиятини Мадриднинг "Реал" ва "Челси" клублари ҳам диққат билан кузатиб бормоқда.
Жорий мавсумда Шерки барча мусобақалар доирасида 8 та учрашувда майдонга тушиб, 4 та гол урди ва 2 та голли узатмани амалга оширди.
Футболчининг "Манчестер Сити" билан амалдаги шартномаси 2030 йил ёзига қадар мўлжалланган. Transfermarkt портали маълумотига кўра, Шеркининг бозор қиймати 90 миллион еврога баҳоланмоқда.
