Мадриднинг «Реал» клуби марказий ҳимоя чизиғини кучайтиришни режалаштирмоқда. Бу ҳақда журналист Хорхе Пикон хабар берди.
Манбага кўра, мадридликлар таркибига қўшилиши мумкин бўлган номзодлардан бири — Финн Ельч. Таъкидланишича, клуб ҳимоя марказини кучайтириш мақсадида ушбу футболчини трансфер қилишга бевосита қизиқиш билдирмоқда.
Шу билан бирга, «Реал» раҳбарияти ҳозирда жамоага керак бўлган ҳимоячи профилини муҳокама қилмоқда. Клуб менежментининг айрим вакиллари марказий ҳимоя позициясига тажрибали футболчи олиш керак, деган фикрда.
20 ёшли Ельч 2025 йилдан буён «Штутгарт» сафида тўп тепмоқда.
