Аргентина терма жамоаси бош мураббийи Лионель Скалони Бенинга қарши ўртоқлик учрашувининг биринчи бўлимида жамоаси нега ишончсиз ўйнаганини тушунтирди.

Ушбу баҳс 39 ёшли Лионель Мессининг миллий жамоадаги хайрлашув учрашуви бўлди. Аргентина 3:0 ҳисобида ғалаба қозонган ўйинда Месси битта гол урди ва иккита голли узатмани амалга оширди. Шу билан у терма жамоадаги фаолиятини расман якунлади.

"Биринчи бўлим осон кечмади, чунки Мессининг жамоадошлари қандай йўл тутишни билмай қолишди. Улар жуда ҳаяжонланган эди, чунки бу алоҳида кеча эди.

Ҳамма Мессининг терма жамоа билан энг яхши тарзда хайрлашишини хоҳлади. Биринчи бўлимнинг унчалик яхши чиқмаганига ҳам шу сабаб бўлди — барча унинг иложи борича яхши ўйнашини истади.

Охир-оқибат бу босимни енгиб ўтдик", — деди Скалони Ole нашрига берган интервьюсида.