"Барселона"нинг бразилиялик ҳужумчиси Габриэл Жезус каталонияликлар сафига ўтиши ҳақида фикр билдирди.
"Мен буюк клубдаман ва бу ерда ажойиб жамоа йиғилган. Болалигимдан "Барселона"нинг Чемпионлар лигасидаги ўйинларини томоша қилиб келганман.
Бразилиялик футболчилар ҳар доим бу ерда ўйнашни истайди. Мен ҳам бу клубни севиб қолдим", — дея Жезуснинг сўзларини Barça Universal келтирди.
"Барселона" Жезусни ёзги трансферлар ойнасида "Арсенал"дан 10 миллион еврога сотиб олган эди.
29 ёшли ҳужумчи каталонияликлар сафида барча мусобақалар ҳисобида тўртта учрашув ўтказиб, иккита гол урди.
Бразилиялик футболчининг "Барселона" билан шартномаси 2029 йилнинг ўрталарига қадар мўлжалланган.
