Аргентина президенти Хавьер Милей Лионель Мессининг терма жамоа билан хайрлашув ўйинидан кейин юлдуз футболчи ҳақида фикр билдирди.
«Катта раҳмат, Лионель Месси! Шубҳасиз, барча даврларнинг энг яхши футболчиси. Олға, Аргентина!» — деб ёзди Милей ижтимоий тармоқларда.
Шунингдек, Аргентина президенти 2018 йилдаги телеэфирдан Мессини маҳаллий оммавий ахборот воситалари танқиди фонида ҳимоя қилган парчани ҳам эълон қилди.
«Месси — бу ақл бовар қилмайдиган нарса. Бу 2018 йилда, бутун Аргентина журналистикаси уни доимий равишда танқид қилган пайтда ёзиб олинган. Улар ундан ҳалигача кечирим сўрашмаган. Хайр!» — дея қўшимча қилди Милей.
