"Барселона" ҳужумчиси Габриэл Жезус Хосеп Гвардиола ва Ханс-Дитер Фликнинг иш услубини солиштирди.
"Гвардиола тактикага анча кўпроқ эътибор қаратарди. Флик билан эса ўзинг бўлишинг, керак пайтда соддароқ ўйнашинг, кўпроқ югуришинг, прессинг қилишинг ва жамоага ёрдам беришинг керак. Ҳар икки ёндашув ҳам ишлайди ва натижа беради", — дея Жезуснинг сўзларини Barça Universal келтирди.
Жезус 2017 йилдан 2022 йилгача "Манчестер Сити"да Гвардиола қўл остида тўп сурган. Бразилиялик футболчи кейинги тўрт мавсумни "Арсенал"да ўтказди ва ўтган ёзда Флик бошқараётган "Барселона" сафига қўшилди.
Жорий мавсумда ҳужумчи тўртта учрашувда майдонга тушиб, иккита гол урди.
