"Арсенал" бош мураббийи Микель Артета шартномани узайтиргандан сўнг Англия Премьер-лигасида энг кўп маош олувчи мураббийга айланди.
44 ёшли испанияликнинг янги шартномаси тўрт йилга мўлжалланган. The Times нашрининг хабар беришича, Артета ҳар мавсумда тахминан 20 миллион фунт стерлинг ишлаб топади ва бонуслар билан унинг йиллик даромади 25 миллион фунт стерлингга етиши мумкин. Аввалги шартномасига кўра, у тахминан 12 миллион фунт стерлинг ва қўшимча 3 миллион фунт стерлинг бонус олиш ҳуқуқига эга эди.
Артета 2019 йил декабридан бери "Арсенал"да ишлаб келмоқда. "Арсенал" ўтган мавсумда Англия Премьер-лигасида ғолиб бўлди. Премьер-лиганинг жорий мавсумида Артета жамоаси 12 очко тўплади ва турнир жадвалида иккинчи ўринда бормоқда.
