Англиядан тарқалган сўнгги хабарларга кўра, "Барселона" 2026/27 йилги мавсум бошида "Фулхэм" сафида ёрқин ўйин кўрсатаётган 19 ёшли ярим ҳимоячи Жош Кингга қизиқиш билдирган клублар қаторига қўшилди.
Маълумотларга кўра, каталонияликлар скаутлари ёш футболчининг бир нечта учрашувини бевосита кузатган ва унинг майдондаги ҳаракатларидан яхши таассурот олган.
Кинг Премьер-лиганинг дастлабки бешта учрашувида иккита гол уриб, битта голли узатмани амалга оширди ва мавсум бошида "Фулхэм"нинг энг яхши футболчиларидан бири бўлиб турибди.
Бироқ "Барселона" бу футболчига қизиқиш билдираётган ягона клуб эмас. "Челси", "Ливерпуль", "Манчестер Юнайтед", "Боруссия Дортмунд", "РБ Лейпциг", "Интер" ва "Атлетико" ҳам ярим ҳимоячини кузатиб бормоқда.
Кингнинг "Фулхэм" билан шартномаси 2029 йилга қадар амал қилади, унинг бозор қиймати эса тахминан 60 миллион еврога баҳоланмоқда. Бундай миқдордаги трансфер ҳозирги шароитда "Барселона" раҳбариятининг молиявий режаларига тўғри келмайди.
Футболчининг ёши ва катта ўсиш салоҳияти "Барселона"нинг ёш иқтидорларни жалб қилиш стратегиясига мос келади. Шунга қарамай, ҳозирча томонлар ўртасида расмий алоқа бўлмаган.
Клуб скаутларининг Кинг ўйинларида иштирок этиши ҳозирча халқаро футболдаги иқтидорларни одатий тарзда кузатиш жараёнининг бир қисми сифатида баҳоланмоқда.
