Миланнинг «Интер» клуби ярим ҳимоячиси Петар Сучич жамоа билан амалдаги шартномасини узайтириш ва унинг молиявий шартларини қайта кўриб чиқиш ниятида.

FcInter1908 нашрининг хабар беришича, хорватиялик футболчи Италия клубидаги биринчи мавсумидан сўнг кўпроқ ўйин амалиётига эга бўлишни кутган эди. Бироқ ҳозирча унинг бу борадаги умидлари оқланмаяпти.

Айниқса, Кёртис Жонснинг «Интер» сафига келиб қўшилиши жамоа ярим ҳимоясидаги рақобатни янада кучайтирган.

Шунга қарамай, Сучичнинг атрофидаги вакиллар футболчининг шартнома шартларини қайта кўриб чиқиш вақти келди, деб ҳисобламоқда.

Айни пайтда хорватиялик ярим ҳимоячи йилига тахминан 1,5 миллион евро маош олади. Бу эса уни «Интер» таркибидаги энг кам ҳақ тўланадиган футболчилардан бирига айлантирган.

Бироқ Милан клуби раҳбарияти янги келишув бўйича музокараларни бошлашга шошилмаяпти. Чунки Сучичнинг амалдаги шартномаси 2030 йилга қадар мўлжалланган ва клуб бу масалани шошилинч деб ҳисобламаяпти.

Маълумот учун, Петар Сучич жорий мавсумда Италия чемпионати ва УЕФА Чемпионлар лигаси доирасида жами бешта учрашувда иштирок этди. Ушбу баҳсларнинг иккитасини асосий таркибда бошлади.