Мадриднинг «Реал» клуби ва Франция терма жамоасининг собиқ ҳужумчиси Карим Бензема Португалия миллий жамоаси Криштиану Роналдусиз янада жозибадор футбол ўйнайди, деган фикрга муносабат билдирди. Бензема «Реал»да Роналду билан бирга тўп сурган.
«Жиддий айтяпсанми? Португалия ғалаба қозонди ва ҳа, Криштиану майдонни тарк этганидан кейин уларнинг ўйини янада мослашувчан кўриниши мумкин. Аммо бу Роналдунинг меросини йўққа чиқармайди.
Биргина ғалаба — ва тўсатдан одамлар бу мамлакатни йиллар давомида голлари, рекордлари ва ғалабага бўлган иштиёқи билан ўз елкасида олиб келган футболчини унутиб қўяди. Футболда хотира жуда қисқа», — дея Бенземанинг сўзларини kickoff Х ижтимоий тармоғида келтирди.
