«Барселона» дарвозабони Жоан Гарсия шанба куни «Хетафе»га қарши бўлиб ўтадиган учрашувни ўтказиб юбориши мумкин.

Marca нашрининг хабар беришича, голкипер уч ҳафта аввал «Расинг»га қарши ўйинда олган жароҳатидан сўнг ҳамон тиззасида оғриқ сезмоқда.

Жоан Гарсия чоршанба кунидан буён жамоа билан умумий гуруҳда машғулот ўтказмоқда. У деярли тўлиқ тикланган бўлса-да, навбатдаги учрашувда майдонга тушиши ҳозирча кафолатланмаган.

Дарвозабоннинг иштироки унинг ўзини қандай ҳис қилиши ва тиззасидаги шишнинг қай даражада камайишига боғлиқ бўлади.

Мазкур масалага жума куни ўтказиладиган сўнгги машғулотдан сўнг ёки бевосита ўйин куни ойдинлик киритилиши кутилмоқда.

Агар Жоан Гарсия майдонга туша олмаса, унинг ўрнини Доминик Ливакович эгаллаши мумкин.

Хорватиялик дарвозабон «Севилья»га қарши сўнгги учрашувда ҳам асосий таркибда майдонга тушган эди.

«Барселона» — «Хетафе» учрашуви 10 октябрь куни Ўзбекистон вақти билан соат 21:30 да бошланади.