Лондоннинг «Арсенал» клуби қанот ҳужумчиси Нони Мадуэке Европа жамоалари эътиборида бўлиб турибди.
Журналист Марк Бруснинг хабар беришича, 24 ёшли футболчини ўз сафига қўшиб олишга олтита клуб қизиқиш билдирмоқда.
Улар орасида Туриннинг «Ювентус» ва Мадриднинг «Атлетико» клублари ҳам бор.
Бироқ манба таъкидлашича, «Арсенал» айни пайтда Мадуэке билан хайрлашишни режалаштирмаяпти.
Англиялик футболчи жорий мавсумда барча мусобақалар доирасида бешта учрашувда майдонга тушиб, битта голли узатмани амалга оширган.
Мадуэкенинг «Арсенал» билан амалдаги шартномаси 2030 йилгача мўлжалланган.
Transfermarkt портали мутахассислари футболчининг трансфер бозоридаги қийматини 45 миллион еврога баҳоламоқда.
