Мадриднинг «Реал» клуби бош мураббийи Жозе Моуриньо Испания Ла Лигаси доирасида «Вильярреал»га қарши бўлиб ўтадиган учрашув ҳақида фикр билдирди.

«Вильярреал» — мураккаб рақиб. Ўйин олдидан тўлиқ таркиб билан атиги иккита машғулот ўтказдик.

Тайёргарлик осон кечмади, чунки ихтиёримизда бор-йўғи беш нафар футболчи қолган эди.

Бироқ сўнгги учрашувдаги мағлубиятдан кейин биз очко тўплашимиз керак», — деди Моуриньо матбуот анжуманида.

Испания Ла Лигасининг саккизинчи тури олдидан «Реал» 15 очко билан турнир жадвалида тўртинчи ўринни эгаллаб турибди.

«Реал» ва «Вильярреал» ўртасидаги учрашув 10 октябрь куни бўлиб ўтади.

Баҳс Ўзбекистон вақти билан 11 октябрь куни соат 00:00 да бошланади.