«Ювентус» аргентиналик ҳужумчи Нико Гонсалес билан шартнома узайтирилганини расман эълон қилди. Янги келишув 2030 йил 30 июнига қадар амал қилади.

28 ёшли футболчи 2025/26 йилги мавсумни Мадриднинг «Атлетико» клубида ижара асосида ўтказгач, Туринга қайтди. Аргентиналик ҳужумчи Испания жамоаси сафида 35 та учрашувда 5 та гол урди. Бироқ у Испания чемпионатида мажбурий сотиб олиш банди ишга тушиши учун зарур бўлган миқдорда ўйин ўтказмади.

Италия оммавий ахборот воситалари хабарларига кўра, Мадрид клуби ёзда футболчини тўлиқ трансфер асосида сотиб олишга уринган, аммо томонлар трансфер нархи бўйича келиша олмаган.

Жорий мавсум бошида Гонсалес Турин жамоасининг муҳим футболчиларидан бирига айланди. У барча мусобақаларда 5 та учрашувда майдонга тушиб, 2 та гол урди. Шунингдек, аргентиналик футболчи Италия чемпионатидаги сўнгги учта баҳсда асосий таркибдан жой олди.