Португалия терма жамоаси бош мураббийи Жорже Жезуш ҳужумчи Криштиану Роналду билан юзага келган можаро доирасида интизомий ишга тортилиши мумкин. Бунга бош мураббийнинг миллий жамоа сардорига нисбатан номуносиб хатти-ҳаракатлари сабаб бўлиши мумкин. Бу ҳақда Correio da Manhã нашрига таянган ҳолда Cabine Desportiva ижтимоий тармоқларда хабар берди.
Эслатиб ўтамиз, Жезуш 27 сентябрь куни Норвегияга қарши Миллатлар лигаси учрашуви вақтида Роналдуни захирадаги футболчилар билан бирга чигилёзди машғулотига юборган, бироқ уни майдонга туширмаган.
30 сентябрь куни 41 ёшли ҳужумчи Португалия терма жамоаси қароргоҳини ўзбошимчалик билан тарк этди. 6 октябрь куни футболчи ўз қарорини изоҳлаб, Жезушни ваъдаларини бузганликда айблаган баёнот билан чиқди.
