Айни пайтда «Аш-Шабаб» клубида тўп сураётган Португалия терма жамоасининг собиқ қанот ҳужумчиси Даниэл Поденсе Криштиану Роналдунинг миллий жамоадаги фаолиятини якунлаши муносабати билан ўзига хос хайрлашув турнесини ташкил этиш ғоясини илгари сурди. Унинг таклифига кўра, Португалия терма жамоаси Испания, Бразилия, Италия ва Англия билан ўртоқлик учрашувларини ўтказиши керак.

«Ҳозир ҳамма ҳамма нарса ҳақида гапира оладиган, ҳатто бу борада ҳеч нарсани билмаса ҳам фикр билдираверадиган даврда яшаяпмиз. Шунинг учун мен ҳам бир таклиф берсам бўлади, деб ўйлайман.

Футболдаги сўнгги йилида у учун тўртта ўртоқлик учрашуви ташкил этиш керак. Испания билан «Сантьяго Бернабеу»да, Бразилия билан «Маракана»да, Италия билан Туринда ва Англия билан «Олд Траффорд»да ўйнаш лозим.

Бу барча даврларнинг энг буюк футболчиси билан хайрлашишнинг энг яхши усулларидан бири бўлар эди. У бизга энг ёрқин хотираларни тақдим этган стадионларда ва хайрлашув маросимининг бир қисми бўлишга лойиқ мамлакатлар терма жамоаларига қарши майдонга тушган бўларди.

Криштиану бунга лойиқ. Футбол бунга лойиқ. Биз, мухлислар ҳам бунга лойиқмиз», — дея Поденсенинг сўзларини келтирмоқда Record.