Дортмунднинг «Боруссия» клуби сардори Нико Шлоттербек Германия Бундеслигасининг бешинчи турида «Вердер»га қарши учрашувда қўлдан чиқарилган ғалаба ҳақида фикр билдирди.

Мазкур баҳс 2:2 ҳисобидаги дуранг билан якунланди.

«Биз 88-дақиқагача ўйинни тўлиқ назорат қилдик. Кейин эса иккита гол ўтказиб юбордик ва якунда дуранг билан кифояланишга мажбур бўлдик.

Шунга қарамай, жамоам билан фахрланаман. Чунки 88 дақиқа давомида ҳақиқатан ҳам жуда яхши ўйин намойиш этдик.

Бироқ шундан кейин ҳимояда яхшироқ ҳаракат қилишимиз керак эди», — дея ҳимоячининг сўзларини келтиради sport1.de нашри.

Ушбу дуранг «Боруссия»га жорий мавсумдаги бешинчи ғалабасини қўлга киритиш имконини бермади.

Агар «Бавария» шанба куни «Аугсбург»ни мағлуб этса, турнир жадвалида биринчи ўринга кўтарилиши мумкин.

Шунингдек, Дортмунд клубидан уч очко ортда бораётган «Фрайбург» навбатдаги учрашувини «Шальке»га қарши ўтказади.