«Манчестер Сити»нинг юлдуз ҳужумчиси Эрлинг Холанд Хосеп Гвардиола кетганидан кейин жамоада амалга оширилаётган ўзгаришлар ҳақида фикр билдирди.
«Жамоамизда янги футболчилар кўп. Уларга вақт беришимиз керак, гарчи футболда ҳеч ким узоқ кутишни ёқтирмаса ҳам.
Янги футболчилар дарҳол ўйинга киришиб кетиши ва нималарга қодир эканини кўрсатиши лозим.
Биз бир-биримизга ёрдам беришимиз, ғалаба қозониш учун қўлимиздан келган барча ишни қилишимиз керак», — дея норвегиялик тўпурарнинг сўзларини келтиради City Xtra.
Англия Премьер-лигасининг бешта туридан сўнг Энцо Мареска шогирдлари 15 очко жамғарган ҳолда турнир жадвалида пешқадамлик қилмоқда.
«Манчестер Сити» чемпионатдаги навбатдаги учрашувини сафарда «Ливерпуль»га қарши ўтказади.
Баҳс 11 октябрь куни «Энфилд» стадионида бўлиб ўтади.
