Франциялик таниқли собиқ футболчи Жером Ротен Мадриднинг "Реал" клуби қанот ҳужумчиси Ян Диоманденинг "Вильярреал"га қарши учрашувдаги ўйинига юқори баҳо берди.
19 ёшли футболчи мазкур баҳснинг 63-дақиқасида ягона голни киритиб, мадридликларга 1:0 ҳисобидаги ғалабани тақдим этди. Бу кот-д'ивуарлик вингернинг "Реал" сафидаги илк голи бўлди.
"Диоманде бугун намунали ўйин намойиш этди. У тобора кўпроқ ўйин амалиётига эга бўлмоқда ва майдонда самарали ҳаракат қиляпти. Айнан шу нарса ундан кутилмоқда.
Биринчи бўлимда у гол ёки голли узатма қайд этмаган бўлса-да, жамоасининг ҳужумларида асосий фигуралардан бири бўлди.
У асосий таркибдан доимий жой эгаллай оладими, билмайман. Аммо бу Жозе Моуринью учун ёқимли бошоғриқ. Диомандеда ўзини кўрсатиш учун албатта имкониятлар бўлади", — дея Ротеннинг сўзларини келтиради Actu Foot.
Эслатиб ўтамиз, Ян Диоманде ўтган ёзда Германиянинг "РБ Лейпциг" клубидан "Реал"га кўчиб ўтган эди. Мадридликлар ушбу трансфер учун бонуслар билан бирга 140 миллион евро тўлаши кўзда тутилган.
