Лондоннинг "Челси" клуби ҳимоячиси Жош Ачимпонг жамоа билан амалдаги шартномасини узайтириши мумкин.
Transfer News Live нашри TEAMtalk маълумотларига таяниб хабар беришича, "кўклар" 20 ёшли футболчини ўз сафида сақлаб қолиш мақсадида унга маоши оширилган янги узоқ муддатли шартнома таклиф қилишни режалаштирмоқда.
Истиқболли англиялик ҳимоячининг "Челси" билан амалдаги келишуви 2029 йилга қадар мўлжалланган.
Ачимпонгга Англия Премьер-лигасининг бир қатор клублари қизиқиш билдирмоқда. Хусусан, "Арсенал", "Ливерпуль", "Борнмут" ва "Ньюкасл" футболчини ўз сафига қўшиб олиш имкониятини кўриб чиқмоқда.
Transfermarkt портали 20 ёшли ҳимоячининг трансфер қийматини 30 миллион еврога баҳоламоқда.
Асосан марказий ҳимояда ҳаракат қиладиган, шунингдек, ҳимоя қанотида ҳам ўйнай оладиган Ачимпонг жорий мавсум Хаби Алонсо бошчилигидаги "Челси" таркибида еттита учрашувда майдонга тушди.
