Франциянинг "Пари Сен-Жермен" клубида тўп сураётган россиялик дарвозабон Матвей Сафонов France Football нашри талқинига кўра, мавсумнинг энг яхши дарвозабони совринига даъвогар 10 нафар футболчи қаторига киритилганига муносабат билдирди.
"Номзодлар рўйхати жуда кучли. Ҳеч бўлмаса, 10-ўринни эгалламасам бўлди. Ростини айтсам, ғалаба қозонишга унчалик умид қилмаяпман. Аммо ҳаётда ҳар нарса бўлиши мумкин. Албатта, ўз исмимни тарихга муҳрлашни истардим", — деди Сафонов "Кстати" шоусида.
Мавсумнинг энг яхши дарвозабонига аталган соврин 26 октябрь куни Англия пойтахти Лондонда бўлиб ўтадиган "Олтин тўп" тақдирлаш маросимида топширилади.
Сафоновнинг ушбу мукофот учун асосий рақобатчилари орасида Тибо Куртуа, Эмилиано Мартинес, Унай Симон, Давид Райя ва бошқа таниқли дарвозабонлар бор.
