«Барселона» ҳимоячиси Жюль Кунде «Ливерпуль»нинг трансфер мақсадлари рўйхатидан ўрин олган.
Мерсисайдликлар келаси йили ҳимоянинг ўнг қанотини кучайтиришни режалаштирмоқда. Бироқ Рональд Араухо ишончли ўйин кўрсатишда давом этса, клуб ушбу позицияга янги футболчи жалб қилиш режасидан воз кечиши мумкин.
Football Insider нашрининг хабар беришича, айнан 27 ёшли уругвайлик ҳимоячининг муваффақиятли ҳаракатлари «Ливерпуль»ни Кунде трансферидан воз кечишга ундаши мумкин.
Эслатиб ўтамиз, Рональд Араухо айни пайтда «Барселона»дан ижара асосида «Ливерпуль» сафида тўп сурмоқда. Ижара шартномасида футболчини тўлиқ сотиб олиш ҳуқуқи ҳам кўзда тутилган.
Transfermarkt портали Жюль Кунденинг бозор қийматини 55 миллион еврога баҳоламоқда.
