«Манчестер Юнайтед»нинг собиқ ҳимоячиси Гари Невилл Лисандро Мартинеснинг клубдаги вазият ҳақидаги фикрларини танқид қилди.
Аргентиналик футболчи трансфер бозорида олиб борилган муваффақиятсиз сиёсат учун «қизил иблислар» раҳбариятини танқид қилган эди. Кейинчалик Мартинес ўз баёнотлари учун узр сўради.
«Мартинес “Манчестер Юнайтед” кўпроқ футболчи билан шартнома имзолаши кераклигини айтиш орқали жамоадошларини ҳам очиқчасига танқид қилди. Агар Бруну Фернандеш, Ҳарри Магуайр ёки бошқа тажрибали футболчилар ўрнида бўлганимда, бундай гаплардан қаттиқ ғазабланган бўлардим.
Аслида, Лисандро бу сўзлари билан айрим футболчилар жамоада бўлмаслиги кераклигига ишора қилди», — дея Невиллнинг сўзларини келтиради Centregoals.
