«Манчестер Юнайтед»нинг собиқ футболчиси Андер Эррера жамоанинг амалдаги сардори Бруну Фернандеш ҳақида фикр билдирди.
Испаниялик футболчи 2014–2019 йилларда «қизил иблислар» сафида тўп тепган. Португалиялик ярим ҳимоячи эса 2020 йил бошида жамоага қўшилган.
«Мен Фернандешни ҳақиқий етакчи деб биламан. У кўп йиллардан бери, кетма-кет бир неча мавсум давомида “Манчестер Юнайтед”ни ўз елкасида кўтариб келмоқда. У жамоада ёлғиз ўйнайди, демоқчи эмасман, аммо баъзан клуб тарихининг юкини ҳам ўз зиммасига олишига тўғри келди», — дея 37 ёшли ярим ҳимоячининг сўзларини келтиради The Touchline.
Айни пайтда Эррера «Сарагоса» шарафини ҳимоя қилмоқда.
