"Ливерпуль" қишки трансферлар ойнасида ўз таркибини кучайтиришни режалаштирмоқда. Жамоа бош мураббийи Андони Ираола январь ойида янги таянч ярим ҳимоячисини сотиб олиш тарафдори.
The Touchline нашрининг хабар беришича, испаниялик мутахассис жамоанинг марказий чизиғини кучайтириш зарур деб ҳисобламоқда. Шу сабабли мерсисайдликлар қишки трансферлар ойнасида ушбу позицияга мос футболчини ўз сафига қўшиб олишга ҳаракат қилиши кутилмоқда.
Айни пайтда "Ливерпуль" Англия Премьер-лигасининг олтита туридан кейин тўққиз очко жамғарган ҳолда мусобақа жадвалида тўққизинчи ўринни эгаллаб турибди.
Эслатиб ўтамиз, Андони Ираола жорий йил ёзининг бошида истеъфога чиқарилган Арне Слот ўрнига "Ливерпуль" бош мураббийи этиб тайинланган эди.
Испаниялик мутахассиснинг мерсисайдликлар билан тузган шартномаси 2028 йилнинг ўрталарига қадар амал қилади.
