Лондоннинг "Арсенал" клуби мухлислари швециялик марказий ҳужумчи Виктор Дьёкерешнинг жамоадаги ўрни ва ҳозирги натижаларидан хавотир билдирмоқда. Бу ҳақда The Touchline хабар берди.
Мухлисларни ташвишга солаётган асосий жиҳат шундаки, Дьёкереш жорий мавсумда "тўпчилар" сафида еттита учрашувда иштирок этган бўлса-да, ҳали бирор марта рақиблар дарвозасини ишғол қила олмади.
Қизиғи, швециялик ҳужумчи миллий терма жамоаси сафида анча самарали ўйин намойиш этмоқда. У Швеция терма жамоасининг Миллатлар лигасидаги сўнгги тўртта учрашувининг ҳар бирида гол уришга муваффақ бўлган.
Айни пайтда Дьёкереш "Арсенал"нинг асосий таркибидан муқим жой эгаллай олмаяпти. Швециялик футболчи ҳужум чизиғидаги рақобатда германиялик Кай Ҳаверцга имкониятни бой бермоқда.
Эслатиб ўтамиз, Виктор Дьёкереш 2025 йил ёзида "Арсенал" сафига келиб қўшилган. Унинг Лондон клуби билан амалдаги шартномаси 2030 йил июнь ойи охирига қадар мўлжалланган.
