Германиялик собиқ ҳужумчи Оливер Бирхофф Чемпионлар лигаси доирасида «Брюгге» сафида хет-трик қайд этган Николо Тресольди ҳақида фикр билдирди.
Унинг ҳисоблашича, ёш ҳужумчи Бирхоффнинг собиқ клуби «Милан»га мос келиши мумкин.
«Бугунги “Милан” мен шараф билан тўп тепган даврдаги даражада эмас. Бироқ Тресольди бу каби буюк ва бутун дунёга машҳур клубда муносиб ўйин кўрсатиш салоҳиятига эга.
Унинг ҳатто Чемпионлар лигасида ҳам гол ура олаётгани муҳим кўрсаткич. Бу футболчининг фақат Бельгия чемпионатида эмас, балки халқаро майдоннинг энг юқори даражасида ҳам ўзини муносиб намоён эта олишини кўрсатади», — дея Бирхоффнинг сўзларини келтиради pianetamilan.it.
