«Манчестер Юнайтед»нинг собиқ ярим ҳимоячиси, ҳозирда футбол эксперти сифатида фаолият юритаётган Рой Кин «Арсенал»нинг Англия Премьер-лигаси 7-турида «Ноттингем Форест» устидан қозонган ғалабасига баҳо берди.
Лондонликлар сафарда ўтказилган учрашувда 1:0 ҳисобида ғалаба қозонишди. Баҳснинг ягона голини 80-дақиқада қанот ҳужумчиси Нони Мадуэке киритди.
Рой Киннинг фикрича, «Арсенал» ўзининг энг яхши ўйинини намойиш этмаган бўлса-да, чемпионларга хос хусусиятларни кўрсата олган.
«Ноттингем Форест» футболчилари бор кучларини ишга солишди, жанговор руҳ ва қатъият намойиш этишди.
Бироқ «Арсенал» ўйин сифати борасида бироз устунликка эга эди. Уларнинг захира ўриндиғида ҳам яхши вариантлар бор эди.
«Арсенал» ўзининг энг яхши ҳолатида бўлмаганига қарамай, ғалаба қозониб, ҳақиқий чемпионларга хос ўйин кўрсатди», — деди Кин Sky Sports эфирида.
Қайд этиш жоиз, Микель Артета бошчилигидаги «Арсенал» айни пайтда Англия Премьер-лигаси турнир жадвалида иккинчи ўринни эгаллаб турибди.
Лондонликлар чемпионат пешқадами «Манчестер Сити»дан уч очко ортда қолмоқда.
