Туриннинг "Ювентус" клуби бош мураббий масаласида қарор қабул қилди. Лучано Спаллеттига вазиятни тўғрилаш учун яна бир нечта ўйин имконият берилади. Агар натижалар яхшиланмаса, у истеъфога чиқарилади.
Repubblica нашри маълумотларига кўра, "Ювентус" Спаллетти ишдан бўшатилган тақдирда унинг ўрнини эгаллайдиган мураббийни аллақачон танлаб қўйган. Бу — Стефано Пиоли. У мавсум охиригача вақтинчалик бош мураббий этиб тайинланади. Пиолининг келажаги бўйича якуний қарор эса мавсумлар оралиғида қабул қилинади.
Қайд этилишича, "Ювентус" Антонио Контени таклиф қилишни режалаштирмаяпти.
