«Удинезе» ҳимоячиси Давид Алаба жамоа сафида илк бор асосий таркибда майдонга тушганидан кейин жароҳат олди.
Австриялик футболчи сентябрь ойи охирида эркин агент сифатида «Удинезе»га қўшилган эди. Алаба аввал «Торино»га қарши баҳсда захирадан майдонга тушган, «Лечче» билан учрашувда эса илк бор асосий таркибда ҳаракат қилган. Бироқ у биринчи бўлимдан кейин алмаштирилди.
Клуб маълумотига кўра, футболчининг ўнг болдир мушагида зўриқиш аниқланган. У тикланиш жараёнини бошлади, ҳолати ҳар ҳафта баҳоланади. Аниқ қайтиш муддати маълум қилинмаган, аммо Алаба якшанба куни «Милан»га қарши ўйинни ўтказиб юборади. 28 октябрдаги «Парма»га қарши баҳсда ҳам иштирок этиши сўроқ остида.
Италия матбуоти ҳимоячи ноябрь ойидаги терма жамоалар танаффусигача сафга қайтмаслиги мумкинлигини ёзмоқда.
