"ПСЖ" "Барселона"ни 4:2 ҳисобидан ҳам йирикроқ натижа билан мағлуб этиши мумкин эди. Бу ҳақда парижликлар ҳимоячиси Дезире Дуэ маълум қилди.
Франция терма жамоаси футболчиси рақибнинг кучли эканини таъкидлади. Унинг сўзларига кўра, бу ғалабанинг қувончи ва аҳамиятини икки баравар оширади.
"Мухлислар бизни олдинга ундади. Бугун биз "Барселона"дан кўпроқ гол уришга муваффақ бўлдик ва ўз кучимизга жуда ишонардик", — деди Дуэ.
Учрашув "ПСЖ"нинг 4:2 ҳисобидаги ғалабаси билан якунланди. "Барселона" икки марта ҳисобни тенглаштирди, аммо ҳатто дуранг натижани ҳам сақлаб қола олмади.
Франция пойтахтидаги тартибсизликлар учрашувнинг ўтказилишига хавф туғдирган эди. Бироқ расмийлар баҳсни қолдирмасликка қарор қилишди. Натижада ҳеч қандай нохуш ҳодиса қайд этилмади.
