"Реал" ҳужумчиси Винисиус Жуниорнинг вакилларидан бири Майкл Йормарк ўтган ёзда "Арсенал" ҳақиқатан ҳам футболчига таклиф билан чиққанини маълум қилди.
""Арсенал" жуда фаол бўлди ва қатъий ҳаракат қилди. Албатта, Винисиус бу таклифни жиддий кўриб чиқди, аммо унинг қалби Мадридга тегишли. У ўзи истаган жойда қолди. У "Реал" сафида фаолиятининг охиригача ўйнай олишидан умидвор", — деди Винисиуснинг вакили SportsBoom нашрига берган интервьюсида.
Винисиус 2018 йилдан бери "Реал" шарафини ҳимоя қилиб келмоқда. Аввалроқ бразилиялик футболчи клуб билан шартномасини 2031/32 йилги мавсум охиригача узайтирган эди.
Жорий мавсумда 26 ёшли ҳужумчи барча мусобақаларда 10 та учрашувда майдонга тушиб, битта гол урди ва учта голли узатмани амалга оширди.
