"Барселона" ярим ҳимоячиси Дани Ольмо Чемпионлар лигаси умумий босқичининг учинчи турида "ПСЖ"га қарши ўйинда олган жароҳати сабаб тахминан тўрт ҳафта майдонга туша олмайди.
Sport.es нашри хабар беришича, 27 ёшли футболчига рақиб билан тўқнашувдан кейин соннинг яқинлаштирувчи мушаги узилиши ташхиси қўйилган. Ушбу жароҳат испаниялик футболчининг 25 октябрь куни каталонияликлар майдонида бўлиб ўтадиган Мадриднинг "Реал" клубига қарши учрашувда иштирок этишига тўсқинлик қилади.
Эслатиб ўтамиз, 20 октябрь куни "Барселона" "ПСЖ"га 2:4 ҳисобида мағлуб бўлди. Ольмо учрашувни асосий таркибда бошлаган, аммо 27-дақиқада алмаштирилган эди.
