Миланнинг "Интер" клуби Чемпионлар лигаси умумий босқичининг 3-турида Украинанинг "Шахтёр" жамоасини 1:0 ҳисобида мағлуб этди.

21 октябрь куни Миландаги "Сан-Сиро" стадионида ўтказилган учрашувни германиялик ҳакам Харм Осмерс бошқарди.

Беллашувнинг биринчи бўлимида ҳисоб очилмади. Иккинчи бўлимда эса мезбонлар жиддий қийинчиликка дуч келишди. 68-дақиқада "Интер" ҳимоячиси Алессандро Бастони иккинчи сариқ карточкани олиб, майдондан четлатилди.

Бир киши кам бўлиб қолганига қарамай, миланликлар ғалаба голини уришга муваффақ бўлишди. 77-дақиқада Генрих Мхитаряннинг узатмасидан сўнг бразилиялик ҳимоячи Карлос Аугусто рақиб дарвозасини ишғол қилди.

Қолган дақиқаларда "Шахтёр" ҳисобни тенглаштира олмади ва "Интер" муҳим уч очкони қўлга киритди.

Шу тариқа, "Интер" Чемпионлар лигасидаги дастлабки ғалабасига эришди. Миланликлар аввалги икки турда "Реал" ва "Брюгге"га мағлуб бўлишган эди.

Чемпионлар лигаси. Умумий босқич, 3-тур

"Интер" — "Шахтёр" — 1:0

Гол: Карлос Аугусто (77).

Четлатиш: Бастони (68, "Интер").